Crnogorski ribari za dva dana ulovili dvije ajkule

Crnogorski ribari su u dva dana na crnogorskom primorju ulovili dvije ajkule koje pripadaju vrsti morskih lisica.

Jedan morski pas uhvaćen je kod Rafailovića i bio je dug skoro četiri metra, a drugi kod Žanjica.

Morska lisica inače može da naraste i do 6 metara i dostigne težinu do 450 kilograma. Ova vrsta koliko se zna nije opasna za ljude,  i barem dosad niko nije zabilježio napad na čovjeka, prenose Vijesti.

Njegova glavna karakteristika je veliki rep u odnosu na ostatak tijela. Hrani se manjom ribom i živi na otvorenom moru, na udaljenosti od 10-tak milja od obale.

U mnogim zemljama morski pas lisica proglašen je ugroženom vrstom čije je izlovljavanje zabranjeno.